Om oss

Eg tar av meg hatten, eg ikkje har, og bøyer meg i støvet!! For ei flott skyting som vart vist fram på lagsmesterskapet i dag, tirsdag 27. mars! Det begynte med desse jentene som gjekk på skyteskule i januar, dei skaut i andre laget og klinka til med 236 og 237!( dei skyt med reim altså!) Kanon bra!! I laget før hadde vi aspirantar som viste at dei har god dreisen på dette her. Kristian Moan la lista høgt i rekrutt klassen då han la inn 244p i tredje laget. Her var også den eldre garden representert og her vart Gunnar lagsmester, 4 poeng foran Audun,i klasse V73 . I lag 4 vart rekruttmesteren kåra, då Tor Erling klinte til med 248! Mats hadde 246 og vart nr. 2. I dette laget skaut Eirik og Lars Kristian også, og her vart det spennande! Begge hadde 150 etter 15 skudden, og begge hadde 97 på 10 skudden! Men etter fintelling vart det klart at Eirik hadde flest innertiarar, og han gjekk dermed i ledelse. Nydeleg skyting! I siste laget skaut Lars i klasse ER. Han skaut heile serie 3 i feil skive, og gjekk av standplass, då han ikkje såg vitsen med å fortsette. Då la far inn protest, og etter grundig forklaring, gjennomgang, diskusjon og meiningsutveksling, fekk han godkjent serien og han skaut då 100 på 10 skudden. Han enda då i 249 p, og vann kl ER. Joacim hadde for så vidt ei enkel oppgave då han er den einaste junioren vi har i laget for tida. Resultatet vart 246 p. noko som imponerte tilskuarane då dei visste at han skaut i vanleg dongeribukse, på kne! FLOTT!