FLORA MESTERSKAP BANESKYTING 2007
Flora meisterskapen i baneskyting vart arrangert av Florø skytterlag lørdag 8 september. Konkuransen gjekk samtidig med lagsmeisterskap til Florø, der det blei skutt to innleiande skytingar og to finalar. Begge finalane vart anvist i skyttarhuset etter at all skyting var ferdig. Ordføraren i Flora var invitert til å overvære det heile og det vart det satt pris på av både skyttarar og publikum, kjekt at ho kunne stille opp i ei travel tid. Det var lagt opp til grilling og litt sosialt samevær,men det vart vel litt amputert på grunn av værforholdene.
For forholdene var ikkje dei beste med kuling, regn og dårleg sikt. Men det hindra ikkje at det vart levert eit topp resultat. Odd Arne Langedal skaut til heile 246 poeng på den innleiande skytinga, noko som er ny personleg rekord. Erling Melvær var ikkje stor dårlegare med 245, men han skaut under litt bedre forhold på onsdag. Erling fekk skyte onsdag då han skulle delta NM i Match skyting på Elverum lørdag. Der sikra han seg to NM gull i lagskyting for Åsane sportskytterlag. Ellers vart det ikkje dei heilt store resultatene, blant seniorane.
Klasse eldre rekrutt fekk og skyte onsdag då nesten heile gjengen skulle på konfirmasjonsleir. Lars Haugnes fekk, ikkje uventa, fult hus 250 poeng på innleiande skyting og fulgte opp med 100 poeng i finalen, og endå ein konkurranse med 350 poeng, faktisk den andre for kvelden. For nokre timar før skaut han fult hus 350 på lagsmeisterskapet. Tor Erling Ulriksen vant oppskriftsmessig i klasse rekrutt med 348 poeng etter 249 på den innleiande skytinga. Anne Sofie Knapstad som har hatt stor framgang i år fekk gode 245, og 96 på finalen, noko som holdt til ein andreplass i rekrutt.
Fleire hadde sett fram til den avsluttande finalen i klasse 3-5, både Odd Arne Langedal og Erling Melvær er gode på finaleskyting, for det var mellom desse kampen skulle stå, Jan-Kåre Langedal på tredje plass med 240 poeng hadde vel en håpløs oppgave med å ta igjen dei på skive ein og to. Han fekk 98 i finalen og kom bak Bjarte Haugnes som skaut fult hus på finalen, og enda med det på 339 poeng. Da måtte Erlingen omtrent bomme for å rote vekk dette. Men han klarte, nesten som vanleg, 100 poeng og med det respektable 345 poeng. Då måtte Odd Arne skyte til 99 med meir en 5 inner for å vinne, men med bare 98 på finalen, vart han til sist nummer to.
Med 31 startande vart det eit skuffande oppmøte for arrangøren, serleg når 29 av dei var frå Florø skytterlag. Men dei som stilte opp fekk ein kjekk dag, sjølv om det nok vart litt stressande å skyte og arrangere to stevner på ein dag.
|